Poderemos coller bicicletas de aluguer nas estacións de tren e de autobuses

A cidade deportiva da Torre, Adormideras(Nas lagoas), o dique de Abrigo, á altura do castelo de San Antón, o xardín da Mariña, os xardíns de Méndez Núñez, a Casa da Auga, a praza de Pontevedra, a praza de San Cristóbal, a estación de autobuses e o miradoiro dos Castros son as dez localizacións nas que o Concello instalará os primeiros puntos do sistema municipal de aluguer de bicicletas, bautizado xa oficialmente como Bici Coruña, durante os próximos dous meses.

A esa primeira fase haberá que engadir nos meses seguintes, ata final de ano, outros catro puntos de estacionamento e intercambio, para os que se manexa, en principio, a posibilidade de instalalos no Paseo das Pontes, en Labañou, nas inmediacións do Millennium, no campus de Oza e no de Elviña.

Artigo completo en La Voz de Galicia.


Segundo se recolle no proxecto sacado a licitación o pasado mes de xaneiro pola Empresa Municipal de Vivenda, Servizos e Actividades (EMVSA) cada un dos intercambiadores distribuídos polos diferentes puntos do termo municipal dispoñerá de polo menos unha quincena de bicicletas listas para o uso por parte dos cidadáns.

Os devanditos vehículos poderán retirarse mediante o uso da tarxeta Millennium ou a través dunha simple mensaxe de SMS que permita utilizar o teléfono móbil como elemento identificador do usuario que pretenda acceder ao servizo.

Artigo completo en La Voz de Galicia.


Vázquez explicou entón que o custo do servizo será gratuíto durante a primeira hora de aluguer dos vehículos, e logo se aplicará unha tarifa de trinta céntimos por cada fracción de media hora que se alongue o aluguer.

A todo iso haberá que sumar unha cota de mantemento anual que, segundo o primeiro cálculo aprobado polo pleno municipal, será dun máximo de vinte euros anuais.

Artigo completo en La Voz de Galicia.