Campaña especial de doazón de sangue durante esta semana

A campaña de doazón de sangue que desenvolve a Consellería de Sanidade por medio do Centro de Transfusión de Galicia (CTG) refórzase nas xornadas previas á ponte festiva do Primeiro de Maio en previsión dun incremento da demanda de compoñentes sanguíneos por parte dos centros sanitarios galegos. O obxectivo desta iniciativa do CTG pasa por acadar, entre o 27 de abril e o 2 de maio, un total de 2.500 doazóns de sangue que son as que precisarán os nosos centros sanitarios para poder desenvolver axeitadamente o seu labor asistencial.

Lamentablemente, as pontes festivas soen coincidir cun notable incremento da demanda de hemoderivados por parte dos centros sanitarios galegos xa que nestas datas increméntanse as urxencias derivadas dos accidentes de tráfico.

Desprazamentos

As dez unidades móbiles do CTG visitarán, ao longo da presente semana, preto de 50 concellos galegos para acadar a participación necesaria para garantir o desenvolvemento do labor asistencial dos centros sanitarios galegos que, cada día, precisan 500 doazóns de sangue.

O CTG agarda novamente contar coa participación dos cidadáns nesta campaña de doazón de sangue e, para iso, tenta ofrecer as máximas facilidades aos cidadáns, mediante o desprazamento de dez unidades móbiles cada día que efectuarán os seguintes desprazamentos:

Luns 27 de abril:
Cerceda, Fene, Laxe, Mesía, Esteiro (Muros), Friol, Palas de Rei, A Gudiña, Cuntis e Zonas As Travesas e Barrio de Teis (Vigo).

Martes 28 de abril:
Cerdido, F. Filoloxía e Zona Monelos-Castrillón (A Coruña), EPA Caranza e CFO Caranza (Ferrol), Muros, Porto do Son, F. Administración e Dirección de Empresas (Lugo), F. Dereito e F. Ciencias Empresariais e Turismo (Ourense), A Lama, Combarro e Escola de Canteiros de Poio, GKN Driveline e Zona As Travesas (Vigo).

Mércores 29 de abril:
A Capela, Camelle (Camariñas), A Picota (Mazaricos), Aeroporto-Lavacolla (Santiago), Zas, F. Ciencias (Lugo), Ribadavia, A Golada, Baiona e El Corte Inglés-Vigo Norte (Vigo).

Xoves 30 de abril:
Alcampo (A Coruña), Ponte do Porto (Camariñas), Mugardos, Santa Comba, Frei Rosendo Salvado (Santiago), Ourol, CFO Santa Mª Europa e Barrio San Francisco (Ourense), A Estrada, O Rosal e Rúa Barcelona (Vigo).

Sábado 2 de maio:
Barrio Caranza (Ferrol), Santa Cruz de Oleiros, Castiñeiras (Ribeira), Abadín, Trabada, Centro Comercial Arousa (Vilagarcía) e Zona García Barbón (Vigo).

http://ctg.sergas.es/