Accidente en Capitán Juan Varela

Unha moza de 25 anos sufriu feridas de carácter leve tras chocar o coche que conducía contra outro automóbil que se encontraba estacionado, segundo indicaron fontes da Policía Local. O accidente produciuse na rúa Capitán Juan Varela e a muller foi trasladada por unha ambulancia da Cruz Vermella ao hospital universitario da Coruña. Polo momento descoñécense as causas polas que a muller perdeu o control do seu vehículo.

La Voz de Galicia.