Sen beirarrúas na Ronda, xente temeraria

Os veciños de Vioño levan preto dun mes sen beirarrúas. As obras de construción de varios edificios obrigaron a pechalas. Camiñar tranquilamente pola rolda de Outeiro e a avenida de Arteixo bordeando o polígono de Vioño converteuse nunha misión imposible dende hai preto dun mes. As obras de construción de varios edificios obrigaron a pechar o paso aos transeúntes e destruír varias das beirarrúas que existían nesta zona.

Esta modificación causa bastantes trastornos aos veciños, posto que implica que deben atravesar un mínimo de dezaseis carrís de circulación, e oito pasos de peóns para poder achegarse ao mesmo punto, ao que anteriormente chegaban con solo unha pequena camiñada.

Hai xente que, a pesar de estar a beirarrúa cortada, se arrisca a camiñar pola propia estrada.

Artigo completo en La Voz de Galicia.


É a segunda vez que podemos ler os problemas nesta zona no xornal La Voz de Galicia (Ver artigo anterior). Evidentemente, trátase dun importante trastorno para a zona, onde moitos temos que dar un rodeo maior para facer un recorrido que antes faciamos en menos tempo; pero, ¿é normal ver a un home co seu fillo (ver foto de arriba) ou a unha nai co seu carriño de bebé (ver foto de abaixo) circular dentro dun carril a carón dos coches e camións?

Por moita razón que teñamos os veciños en reclamar que nos devolvan as beirarrúas o máis pronto posible, mentres non se soluciona o problema, ¿non será mellor perder un pouco de tempo e dar un rodeo antes que levar aos teus fillos por ahí?

Fotos por La Voz de Galicia.