O aluguer de bicicletas podería comezar xa en primavera

A Empresa Municipal de Vivenda, Servizos e Actividades S.A. (EMVSA) remata de sacar a licitación a subministración do equipamento para o sistema de bicicletas de uso público, coñecido xa como Bici Coruña e a xestión do cal custará 250.000 euros anuais. Os interesados poderán presentar as propostas nun prazo de quince días e, se os trámites administrativos non se atrasan, o servizo podería estar a funcionar o próximo mes de maio, en plena primavera.

Aínda que o prego non indica a situación, especifica que a subministración comprende a instalación e ancoraxe das bases «nos lugares sinalados por Emvsa».

Artigo completo no xornal La Voz de Galicia.

Seguimos cuestionando que 10 postos sexan suficientes para toda a cidade, a non ser que realmente non queiran potenciar con forza esta alternativa de transporte. Polo menos esperamos que un deses postos caia polo barrio.