Tráfico e problemas na Ronda de Outeiro

Sae na prensa de hoxe (El Ideal Gallego) un extenso artigo sobre a Ronda de Outeiro, unha das vías con maios tránsito da cidade, soporta uns 48.000 vehículos diarios.
De todo o artigo, collemos un anaco no que queremos incidir:

Neste sentido, os que sofren máis riscos son os peóns, sobre todo naqueles cruces que permiten xiros, como na Sagrada Familia, pois mentres o viandante ten o semáforo en verde, os vehículos poden seguir circulando coa luz en ámbar.

De todos os xeitos, como noutras avenidas da cidade, é habitual ver a imprudencia de cruzar de forma indebida cando preto hai unha zona habilitada, xa sexa un paso, regulado ou non por semáforos, ou unha pasarela; a única atópase á altura do colexio da Sagrada Familia e moitos peatones optan por non usala.

Cruzar a rúa por algúns lugares do barrio convértese nunha auténcia odisea. Os puntos conflictivos son aqueles que veñen dar coas grandes avenidas (ronda, avda. arteixo, etc.). As frecuencias dos semáforos a maior parte das veces acaba coa paciencia de moitas persoas que obtan por cruzar en vermello xogándose así o tipo, o peor de todo é, que moitas destas persoas que cruzan son persoas maiores (habitualmente con problemas de mobilidade) que acaban por provocar algún que outro susto ó aparecer no medio da rúa cando veñen varios coches que teñen que frenar bruscamente. Deberían mellorar os turnos dos semáforos do cruce da Ronda coa Avenida de Arteixo, o único que reciben son queixas por parte dos usuarios.

Os cruces os que se refire o artigo, nas entradas ós distintos puntos do barrio dende a Ronda, tamén son un perigo porque, moitas veces cando cruzas e estas no medio, aparece de súpeto un coche a gran velocidade procedente da Ronda e que ten que dar un frenazo en canto te ve. Moitos conductores seguen pensando que a semáforo en cor amarela quere dicir que pases rozando a xente polo medio dela e a ser posible a gran velocidade. Intentaron solucionar isto na rúa San Jaime na súa entrada desde a Ronda, o semáforo de acceso non se pon en ámbar senón en vermello para os coches, ¿resultado?, moitos dos coches sáltanse o semáforo en vermello en canto teñen oportunidade, veñan persoas ou non.

Respecto a pasarela verde fronte o colexio Sagrada Familia, haberá que facer un artigo sobre ela pois está mal feita e por iso, a maior parte da xente obta por cruzar polo medio da calzada. É de difícil acceso para pesonas con problemas de mobilidade (ten escaleiras, así que ¿como cruza un minusválido en silla de rodas?), e unha das salidas en lugar de deixarte na ronda, lévate cara á Grela. Un repasiño non lle viña mal.